Santo Estevo de Ribas de Sil

Este antigo mosteiro benedictino encóntrase en Ourense, na ladeira meridional do río Sil, nun lugar único da Ribeira Sacra.
Na primeira das imaxes, pode observarse a distribución do conxunto das edificacións, coa igrexa, o claustro grande, o pequeno, o claustro dos bispos, todo nunha superficie de 5000 metros cadrados.
Máis abaixo, temos tres detalles do claustro dos bispos, que combina un primeiro corpo románico cun segundo gótico tardío, no que sobresaen os pináculos e a crestería que o coroan. As galerías posúen bóvedas de crucería do século XVI.

Para máis información: Mosteiros e conventos de Galicia (Universidade da Coruña e Consellería de Cultura, 2002) e www.parador.es/