Convocatorias

PHotoEspaña 2009

PHotoEspaña é un festival internacional de fotografía e artes visuais. En múltiples recintos de Madrid e Cuenca, do 3 de xuño ao 26 de xullo de 2009.
A continuación, unha das imaxes da web do certame e unha fotografía de Dorothea Lange ("Migrant mother"), realizada en 1936, en Nipomo, California, MoCP Chicago, Gift of Sonia Bloch, copyright Dorothea Lange.

Fotoaves 2009

Segunda edición deste concurso da Sociedade Española de Ornitoloxía (SEO/Birdlife), que este ano vai adicado ás zonas húmidas, dentro da campaña "Alas sobre agua", desenvolvida para conservar estes ecosistemas.

Ilustro este certame cunha marabillosa imaxe de Ferran Pestaña (garza imperial).

Premios Fundación Biodiversidad

A Fundación Biodiversidad, dependente do ministerio de Medio Ambiente, Medio Rural e Mariño, pon en marcha uns premios, cos que quere recoñecer o labor das persoas e organizacións que contribúen ao desenvolvemento sostible do medio rural e pesqueiro, e ao coñecemento e conservación do patrimonio cultural e a diversidade biolóxica.