Escaleira de Bonaval

Dúas fotografías en homenaxe a Domingo de Andrade, autor da tripla escaleira de Bonaval.
Trátase dun dos elementos máis singulares do patrimonio arquitectónico de Compostela.

A primeira imaxe é un plano cenital, no que se percibe o movemento centrípeto.
É unha visión expresionista, biomórfica. Semella unha buguina.
Toma protagonismo a escaleira que remata no miradoiro.

A segunda é un contrapicado, un plano nadir realizado desde a base.
Neste caso, o movemento é centrífugo, as liñas helicoidais non teñen límite.
É a perspectiva tradicional e máis difundida da escaleira.