José Guitián | Fotógrafo en Compostela

O venres 27 de marzo, na Casa Gótica, pertencente ao Museo das Peregrinacións e de Santiago, inaugurouse unha exposición-homenaxe a José Guitián, que recolle unha escolma de retratos e imaxes de Compostela realizadas entre os anos 50 e 80, do século XX. 

José é un discípulo excepcional de Ksado e Almeida. 

É unha persoa namorada de Santiago, de cada recuncho, de cada porta, de cada pedra. 

Especializouse no retrato e na fotografía científica. Fixo moitas fotos de estudio, pero tamén nas rúas e prazas, en días de festa e feira. 

Persoa polifacética, amante da música, do xadrez e da filatelia. 

 

A exposición poderá verse ata o 30 de agosto. 

Casa Gótica. Rúa de San Miguel, 4

Imaxes: 

- Segunda: José Guitián, no momento da apertura da exposición. 

- Terceira: de esquerda a dereita, Manuel Rodríguez (1º) - Comisario da exposición, Bieito Pérez (3º) - Director Museo das Peregrinacións, Anxo Lorenzo (4º) - Secretario Xeral de Cultura, José Guitián (5º), As Marías, representadas polo grupo de teatro "En Punto"; todos contemplando a fotografía das Marías. 

- Cuarta: Serie Nocturnos. 

- Quinta: Xigantes e cabezudos na procesión do Corpus. 

- Sexta: Serie "Pan e fame".