Ruta do Castro de Doade

Trátase dunha senda circular, promovida pola Casa do Patrón e homologada recentemente pola Federación Galega de Montañismo.

Se saes de Codesedo, podes ver o castro de Doade, coas súas escavacións dirixidas por Erik Carlsson-Brandt e José Manuel Caamaño.

Os protagonistas deste sendeiro son o río Asneiro e a paisaxe agraria, na que destaca a dimensión das árbores, carballos, castiñeiros, bidueiros.
Non perdas de vista o muíño de Froiz e a ponte de Mouriscade, coa súa área recreativa.
Vai pendente das beiras do río, aparecerá algunha garza real.

E como remate, visita o museo etnográfico da Casa do Patrón.

Moi boa sinalización e paneis. Tamén se poden observar as marcas dos Cabaleiros do Deza.

Tempo de realización, unhas catro horas, cun percorrido de 16 quilómetros.

Imaxes:

1.- Panel informativo 
2.- Paisaxe do Deza
3/4.- Augas do Asneiro e muíño de Froiz
5/6.- Castro de Doade, vista xeral e escavacións
7.- Ponte de Mouriscade
8/9.- Marcas dos Cabaleiros do Deza e sinais do sendeiro