Teatro Real, 200 anos

En 1817, o rei Fernando VII ordena a construción dun teatro de ópera á altura dos coliseos líricos europeos. Así nace o Teatro Real de Madrid que se atopa agora inmerso na celebración do seu bicentenario e o vixésimo aniversario da súa reapertura. 

Con motivo destas celebracións, La Fábrica publica O libro do Teatro Real, un volume que percorre a súa arquitectura, historia e os segredos dunha das principais institucións culturais españolas. 

Desde o seu nacemento e ata a data, as paredes do teatro resistiron “incendios, demolicións, inxerencias políticas, contratempos orzamentarios, declaracións de ruína e unha guerra”, como se explica no volume.

Ademais do prólogo de Mario Vargas Llosa e a introdución de Gregorio Marañón e Ignacio García-Belenguer, completan o libro os ensaios de Rubén Amón e Joan Matabosh, director artístico do Teatro Real, cunha dobre edición en español e en inglés.

Imaxes:

1.- Portada do libro editado por La Fábrica en 2017.   

2.- Interior con público. Copyright Chema Conesa. 

3.- Vida e morte de Marina Abramovic, 2012. Copyright Javier del Real.

4.- Pelléas e Mélisande, 2011. Copyriht Javier del Real.

Nas fotografías da publicación participaron tamén Jean Marie del Moral e Andrea Santolaya.