Muíños de Sabucedo

O río Vesacarballa, que entrega as súa augas ao Umia, é nestes días unha sinfonía que anticipa a primavera.

Aí podes atopar un conxunto etnográfico de 5 muíños que explican unha parte da historia recente de Sabucedo (A Estrada, Pontevedra).

O primeiro deles é o Serradoiro do Mestre, promovido por Francisco Regueiro Moreira, destacado mestre de Sabucedo no século pasado. A partir de 1913 foi muíño de maquía e despois serradoiro e forno de pan.

A continuación o muíño de Pura, ou da Casa do Comercio, pertencía a unha familia que tiña comercio na parroquia.

En terceiro lugar, o muíño das Paradas, un dos máis antigos, construído a principios do século XIX.

Máis abaixo o muíño do Medio e finalmente o da familia dos Obelleiros.

Este percorrido forma parte da ruta de Sabucedo e do sendeiro Codeseda - Sabucedo (PR-G 197), homologado pola Federación Galega de Montañismo.

Imaxes

1.- Panel da Ruta de Sabucedo.

2.- Ponte medieval de Saramagoso (obsérvanse as canles de entrada aos muíños).

3.- Serradoiro do Mestre (máis información na galería de Flickr).

4.- Panel homenaxe a Francisco Regueiro.

5.- Muíño das Paradas.