Cromeleque dos Almendres

O Cromeleque dos Almendres é unha estrutura megalítica complexa, formada por dous recintos diacrónicos, que evolucionaron no tempo, desde a súa orixe no milenio VI a.C.

O conxunto consta de 95 menhires, colocados en posicións elípticas e circulares, algúns deles con marcas xeométricas, figurativas ou astrais.

Encóntrase a 413 metros de altitude, a uns 12 quilómetros ao poñente de Évora, no Alentejo portugués.

Algúns dos elementos teñen que ver coa fertilidade da terra ou desenvolveron funcións máxico-relixiosas.

A composición xeral semella un analema, coas posicións do sol nas distintas estacións do ano. 

Imaxes:
1.- Panel do recinto.
2.- Imaxe de oeste a leste, con Évora no centro da imaxe. 
3.- Menhir con gravacións.
4.- Posición de inicio do ano, primeiro menhir pola esquerda.
5.- Vista xeral, de norte a sur.